تأكيد الصوره الذاتيه

مش عارفه ايه اللى حصل ناس كتير جرحتنى ناس كتير خلتنى اخد صوره وحشه عن نفسى والمشكله ان الصوره دى مش راضيه تتغيرى
كل اللى فهماه عن نفسى
انا مش حلوه ,انا عمر ما حد هيبصلى ولا يعجب بيه,انا اقل من اخواتى ,كل البنات احسن منى ,ببقى وسطهم اقل وحده فيهم,

انا اصلا مش بنت

لا وايه انا فاشله فى دراسه وفى بيت وفى علاقات وفى حب الناس وفى كل حاجه حتى فى علاقتى بربنا حتى فى علاقتى باهلى

طبعا ده مش كلامى ده كلام الناس اللى تعرفنى وبالتالى انا مصدقاه عن نفسى لان على رأى شخص اعرفه قالى ان الناس هما مرايتى

اللى بتعكس صورتى فهيه دى صورتى بدون تزييف يعنى اللى يقولى عكس كده يبقى بيكدب عليه

بما انى فكرت اتعالج وبما انى ده سبب كبير فى مثليتى

فطبعا المعالج بتاعى ربنا يجبر بختره هوه اللى بيرفع من معنوياتى شويه وهوه مش بيرفع منها بس هوه بيحاول

لكن طبعا جوايا رافض الرسايل الاجابيه اللى بتجيلى منه انا مش مصدقه غير الرسايل السلبيه اللى بتجيلى من الناس من وانا صغيره

وهيه اللى حقيقيه لان الناس مش بيقولولى الكلام ده لسبب لكن هوه بيقولى كده عشان اتعالج

يعنى مثلا يقولى انتى حلوه والناس بره بتقول كلام غير ده يبقى اصدقه اذااااااااى

فطبعا الكلام بيدخل من الودن دى يخرج من الودن التانيه

ودارت الايام وبقيت الرسايل الاجابيه بتيجى كتير من الدكتور مره فى مره فى مره مع قلت الرسايل السلبيه من بره لان خلاص كل اللى اعرفهم قالو اللى عندهم فاعوذ بالله كنت هبدا استقبل من الدكتور وادخل جوه نفسى ميخرجش من الودن التانيه

وبدات هبدا اثق فى نفسى شويه

يعنى استغفر الله العظيم كنت هبدأ اقتنع انى مقبوله ومش وحشه يعنى وانى بنت شويه بس اشكرك يارب على اللى حصل عشان ما اقتنعش بالفكره الغلط دى واصدقها ابقى كدبت الكدبه وصدقتها

الحمد لله ربنا ستر ............

ورجعت كمااااااااااااا كنت لان جتلى رسايل سلبيه تانى من بره اكدتلى صورتى عن ذاتى اكتر وصدقت اكتر ان الدكتور بيقول كده عشان يعالجنى ودى مش حقيقه ايه بقى اللى حصل .............................

كان يامكان اخويا بيجيب سيرت البنات فحاجه يعنى فبيقول ما اختى بردو فترد مراته وهيه اختك اصلا من البنات........ دى كانت بالنسبالى اول خبطه جت على الجرح

زى سلك لمس القط دى بتقولى انى مش بنت صح صح دى فكرتى عن نفسى اااااااااااااااااااااه الدكتور بيضحك عليه بردو صح ده اللى كنت مقتنعه بيه

ايه تانى حصل ........

بنت اخويا عندها سنتين ونص بس انا مرتبطه بيها وهيه كمان متعلقه بيه المهم كانت بردو عندنا وكانت عايزانى اخرجها المهم قولتلها حاضر ولبست وانا لبست فالبنت كتر الف خيرها بريئه لقتها بتقولى عمتو انتى حلوه قصدها كويسه يعنى مش حلاوت شكل بوستها وفرحت وقولتلها ربنا يخليكى ليه بس خساره ملحقتش اكمل الفرحه ........لقيت امها تقولى دى بتقولك كده عشان بس هتخرجيها طب اسكتى سيبى البت تقولى كلمه كويسه ولا ترحمو ولا تسيبو رحمت ربنا تنزل يالهووووووووووووى بس اذاى لازم طبعا طبعا متهنيش على حاجه كويسه

وطبعا هيه كانت فكره البت بتقولى على انى حلوه حلوه يعنى

فبردو سلك لمس بتقولى انى مش حلوه بردو صح دى فكرتى عن نفسى تأكيد ياااااااااااااااااااه وانا اللى كنت هصدق اللى الدكتور بيقولهولى

واستغفر الله العظيم اصدق رسايل اجابيه عنى ميصحش

ورجعت تانى معنديش ثقه بنفسى والمشكله انى بقيت سلبيه او انا اصلا سلبيه يعنى معرفتش ارد عليها عشان طبعا ارسم انى كويسه ومش عندى نقص ولا حاجه ولازم اخد الموضوع بهزار لا يقولو انتى عندك نقص ولا ايه

فالحمد لله ربنا سترها معايا عشان مكدبش على نفسى وكنت هصدق بقى والرسايل الاجابيه تدخل جوايا وتعشش وبعد كده تيجى رسايل سلبيه تانى تقوم اللى كان جوايا لان طبعا شخص بيدينى رسايل اجابيه ادام كمية الناس اللى بتجرح فيه اكيد هما الصح

احمدك يارب على تأكيدك ليه صورتى الذاتيه عن نفسى

غير كمان اخويا بقولو حاجه بضيقنى من خطبته فبقولو قولها يقولى يعنى هيه هتقولى انت خايف على زعل اختك ومش خايف على زعلى يااااااااااه للدرجادى هيه اهم للدرجادى خايف لمجرد انها تقولك الكلمه دى انا اختك من لحمك ودمك بس طبعا

زى ما قالى قبل كده هيه احسن منك هيه عندى اهم منك ربنا يخدك ويخليها

ولما يتكلم عنها بحس بيتكلم عن ملكة جمال مثلا مع انا مش شيفاها حلوه خالص ولا كويسه ولا اى حاجه

لكن لما بيشوفنى انا او يتكلم عنى انا بيحسسنى انه بيتكلم عن شيطان بيتكلم عن عدوتو

نفسى اسئله هيه فرقه عنى فى ايه ؟؟؟؟؟؟؟؟؟؟؟؟؟؟؟؟؟

بتكرهنى كده ليه؟؟؟؟؟؟؟؟؟؟؟؟؟؟

ونفسى اسئل كل الناس اللى بتجرحنى

بتجرحونى كده لييييييييييييييييييييييييييييييه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟