الخميس، 18 نوفمبر 2010

عوده جديده

ياااااااه بقالى كتير أوى مكتبتش ولا كنت بحاول اكتب مش عارف ليه
يمكن عشان مش عندى جديد أقولو ويمكن عشان ألامى مبتتغيرش ويمكن عشان
فقدت الأمل الصراحه مش عارف ......بس حابب أقول أخر أخبارى...

المهم حتى لما قررت أكتب مش عارف أكتب أيه ولا عارف أٌقول ايه ومكسوف
من نفسى خالص أكتب اقول أنى بعك كتير وأنى سبت التعافى وأنى قررت أكمل
حياتى كده وأنى بسوء كل يوم عن اللى قبله الصراحه حاجه تكسف ومتتكتبش

بس ممكن أقول انى بهرب واهرب من الحقيقه بأقناع نفسى ان ده افضل حل
وانى كده مرتاحه ومبسوطه بس ههرب لأمتى بنكر خوفى وتعبى وألمى ووجعى
بس لأمتى ديما ماشى بقول الحمدلله كله تمام كله كويس بس لأمتى
أمتى لما يتقالى عامله أيه أقول انا تعبان انا موجوع

عمال ادخل من علاقه لعلاقه ومن علاقه لعلاقه ألخ ألخ ولكن أين هوه الامان
أين الأستقرار أمتى هثبت على علاقه أمتى هقول أيوه ده هوه اللى انا عايزاه
هيهات هيهات :D:D
مش هتيجى ومش هتحصل حتى لما بحس أن حد بيحبنى وهيه علاقه هتثبت ببقى حسه
انه مش حببنى انا هوه حابب التغير اللى حصل فيه
وبرغم كل العلاقات اللى انا فيها واللى حواليه سواء صداقه سواء علاقات جنسيه
حاسس بوحده جيه منين مش عارف بس دايما حتى وانا وسط الناس حاسس بوحده حاسس
انى مختلف حاسس انى مش محبوب حاسس انى تقيل على قلب الناس خصوصا اللى بحبهم

وبرغم أنى عايش فى دور الواد وكل ما ابص لنفسى فى المرايا بنبسط وبقيت
احب شكلى اوى بعد عناء لكن بردو مش مرتاح وطبعا لما كنت فى دور البنت
كنت مش مرتاح والله ما انا عارف هرتاح فين ولا أمتى لا أنا عارف أبقى واد ولا عارف
أبقى بنت يبقى خلاص ياواد يابت

وبكدب على ناس وأقول بحبك لمجرد انى اشعر بالاهتمام والقبول واكدب على ناس واقول
عادى احنا اخوات وابقى جوايا حاجه ليهم عشان بردو اشعر بالاهتمام والقبول لكن عمرى
ما قولت اللى انا حساه بجد ولقيت حب وقبول واهتمام وراحه وطبعا هذه هي الاعتماديه

حتى الشخصيه الوحيده اللى كنت بقول انا متأكده انها بتحبنى وانها بتخاف عليه برغم
اللى بتعملوا معايا لكن دلوقت انا مش قادر أقول كده بالعكس انا ديما بقيت شايف ادامى
انها مبتحبنيش ومش طيقانى وانى بخنقها فكل مره بكلمها فيها

اما بقى عن البيت فبردو مبعبرش عن مشاعرى ولا بقول حقيقة اللى جوايا عشان عايز اريح دماغى
واعيش حياه هاديه على الاقل وانا فى البيت مش عايز كل شويه خناق وحاجات تضغطنى بس لأمتى

دايما بشوف الناس بتعرف تعمل علاقات لو علاقه او اتنين بس كويسين والناس بتحبهم لكن انا
بعمل علاقات كتير جدااااا بس فى الحقيقه انا مش عامل اى علاقه عن قرب ولما بيحصل الناس
بتبعد ومبتحبنيش بشوف فى صحابى لهفه انهم يشوفوا بعض ويتقابلوا هما اه بيقولولى بس مش
فارق معاهم اوى موجوده او مش موجوده

بس أرجع أقول مع أنى سبت التعافى بس الحاجات اللى اتعلمتهامنه فى الفتره اللى كنت غرقانه
في جو صحى كله تعافى لسه ماشيه بيها من غير ما احس وبشوف انى اتغيرت كتييييير فحاجات كنت بقول استحاله اتغير فيها بس انا دلوقت مش فى التعافى ومش بفكر فى تغيرها بس بتتغير لوحدها يمكن عشان بكبر الحقيقه مش عارف

بس فى النهايه :D:D:D
انا وحيد انا موجوع انا تعبان
أنا بكبر أنا بنضج أنا بتغير

الثلاثاء، 12 يناير 2010

الاعتراف بالحق فضيله

انا تعبانه حسه بمشاعر غضب,خوف,احباط,فشل,ضعف,عجز,..........
كتير اوى بس مفيهاش حاجه أجابيه انا حسه انى فعلا حساسه اوى بدرجه تخنق اللى ادامى يعنى انا مش فهمه ليه بزعل
هيه الكلمه بتلزق يعنى

اااااااه بتلزق لو الكلمه دى انتى بتقوليهالى يا رشا لما حد هيقولهالك هتتعبى اكتر

بس ممكن تكبرى دماغك بقى وتبطلى زن انتى فعلا زنانه زى ما الناس بتقولك وفعلا بتكبرى كل حاجه ده انا نفسى اتخنقت منك مش عايزه الناس تتخنق منك ايه يعنى حد قالك انتى عيله ,ايه يعنى لما حد يجرحك ,ايه يعنى لما حد يشك فيكى, ايه يعنى لما حد يزعئلك, ايه يعنى لما حد يهينك انا لو بتعبرينى كبيرك بجد رايى تكبرى دماغك وتبطلى تحسى

انتى ليه بتعملى معايا كده ده انا وانتى واحد ده انا طفلتك ده انا محتجالك اكتر من اى حد انتى بتروحيلو
انا مش محتاجه جنس يارشا انا محتاجه اتحضن,انا محتاجه اتحب,انا طفله يارشا طفله مفيش طفله عايزه جنس ,انتى عشان معندكيش حاجه تدهالى بتروحى تدورى عليها بره ومش بتلاقيها غير بالجنس ومن غير ماتعرفى ان الجنس ده بيجوعنى اكتر ,انتى مبتحبنيش ليه يارشا ,ذنبى ايه حد اسئ ليه وانا صغيره تعقبينى انا ليه ,حد هاننى وانا صغيره بتعقبينى انا ليه , بابا ضربنى وانا صغيره ذنبى انا ايه
يارشا اللى فات خلاص مينفعش تحسبينى عليه لازم انتى تكونى جنبى مش تأذينى

انا مش بحبك انا بكرهك انتى سبب ان الناس متحبنيش انتى سبب القرف اللى انا فيه دلوقت انا مش بأذيكى انتى اللى بتأذى نفسك
انتى اللى بتطلبى منى الجنس انا مش برحلو الا لما انتى بتطلبيه انتى السبب ان الناس تتريق عليه انا بكرهك بكرهك بكرهك بكرهك
انا نفسى تموتى وتريحينى انا بقيت استعر منك انتى بقيتى تكسفينى ادام الناس كفايا تعذبينى بقى طول ما انتى جوايا طول ما انا بتعذب طول ما انا بكتئب انتى على طول جيبالى اكتئب اى حد يقولك كلمه تعملهالى حكايه وتخنقينى وتنكدى عليه وعلى اهلى واساسا الناس عندها حق بابا مقلكيش حاجه غلط طب ما انتى فعلا جبانه طب ما انتى فعلا بتخافى طب ما انتى فعلا مش كويسه الناس مأسئتش ليكى من غير سبب انتى اللى كنتى بتقبلى الاذيه حتى اللى اعتدى عليكى انتى اللى قبلتى ده محدش غصبك على حاجه وسيبك بقى من اللى بتبررى بيه لنفسك انك عشان جعانه وعشان محتاجه والكلام ده انا حسه انك بتتلككى بيه
بس انا مبسوطه منك بدأتى شويه متحسيش بس للاسف فى المواقف اللى المفروض تحسى فيها
انا المرادى اللى هقولك يارشا

انتى مفيش فايده فيكى
عمرك ماهتتغيرى