ممكن حد يحس بيا؟؟؟؟؟؟؟؟؟

نفسى حد يحس بيا غير المعالج بتاعى ويبقى جنبى للاسف حتى الناس هما مش ناس اوى يعنى حتى بعض الاشخاص اللى بيحسو بيا مش معايا اوى عندى احساس بالوحده هيموتنى. اصحابى مش معايا.. ماليش اخوات بنات...واخواتى بعاد عنى... اقرايبى بعاد عنى ..ومفيش اقرايب من سنى ...ماليش جيران...مش لقيه صحاب اخرج معاهم ...حتى اصحابى لما صدقو تقريبا اننا خلاص مبقاش فى علاقه اوى بقوا يخرجو ينزلو الجامعه من غيرى عادى مش مهمه اصلا....حتى صاحبت الشغل اللى كنت فيه لما كانت محتجالى وقت كانت بتقولى انزلى وعملت نفسها عشانى بس مجرد ما جلها حد تانى خلاص مبقاش مهم وممكن لما انزل تجرحنى عشان مبقتش محتجالى بردو... حتى الناس اللى مش كويسه اللى كنت اعرفهم بعدت عنهم.......



ايه ده ده انا كده لوحدى خااااااالص فعلا فعلا انا مش بكلم حد مش بخرج مع حد مش بنزل مع حد طب وبعدين انا جعاااااااااانه اوى حسه انى بقيت بمشى فى الشارع كل وحده ماشيه عايزه امسك فيها اقولها تعالى صحبينى واخرجى معايا وكلمينى انا فعلا من كام يوم كنت فى مواصلات وواحده قاعده جنبى جتلى فكره كده من انى اقولها هاتى رقمك وانا هكلمك يعنى تفكير طفولى بس الحمد لله مجتليش الجرأه هوه انا مش كويسه طب هوه انا اقل من الناس اقل من صحابى انا ليه كل الناس ليها صحاب وبيكلموهم وبيخرجو معاهم وانا ماليش انا عمرى ما فكرت فحاجه وحشه فى اى حد اعرفه انا بقيت طول اليوم لوحدى بقيت انزل فى الشارع لوحدى اروح اشترى حاجاتى لوحدى طب وبعدين انا عاااااااااااااااااااايزه ناس انا عايزه اصحاااااااااااب



انا اعتماديه على الناس اه وبذات البنات اه عشان انا مش بعرف ناس كتير لو عرفت ناس كتير مش هبقى اعتماديه على حد معين لكن لما بصدق اعرف حد وبمسك فيه مش ببقى عايزه اسيبه وخنقتى فيه دى عشان خايفه سيبنى عايزه الطفل وهوه صغير بيفضل ماسك فى مامته اول لما بيكبر ويعرف ناس كتير بيبدا يسبها لكن طول ما مفيش غير مامته مبيمسكش غير فيها هيه



انا طفله يتيمه ايوه اانا يتيمه ابويا مات وحتى لما كان عايش ما اخدتش منه اى ابوه بالعكس اخدت منه اهانه وضرب وخناق وبعد كده مات خالص وامى عايشه الحمد لله بس مش وخده منها حاجه غير انها على وش الدنيا حميانى شويه بس مخدتش منها امومه بردو يعنى انا محتاجه ام واب ومحتاجه اصحاب كمان طب انا عايشه ليه ممكن انا اعيش من غير ناس فى حد لوحدوا خالص كده يصحى لوحدو ينام لوحدو يخرج لوحدو ده حتى بقيت اكل لوحدى انا محتاجه ناس عايزه ناس اصحاب بنات ذى ذيهم نفسى احس انى طبيعيه ذى اى بنت ليها صحابها



نفسى احس انى بنت...



ياترى حد حس بيا !!!!!!!!!